Viola Cadruvi raquinta cun bler umor e fantasia da las aventuras dals trais uffants Edvina, Merlin e Lexi ch'emprendan da striunar. En ina scola magica lunsch si en las muntognas grischunas exerciteschan els furmas magicas e maschaidan bavrondas miraculusas. Ma las grondas aventuras capitan suenter l'instrucziun. Lura striuneschan ils trais amis natiers ina massa dultschergnims, tschertgan unicorns en il guaud u gidan ad in nanin alpin che ha la fuira. Cun agid dal ritsch Ariel e ses ippocamp gartegia perfin il tric ultimativ da sgular: in backside-double-cork-brutalissimo-360 a maun liber cun in tailgrab a la fin. Set istorgias da preleger plain magia, viz e travasch, illustrà dad Oleksandra Gorshevikova (Studio Toc).