Yn frodor o Ynys-y-bwl, cafodd Geraint Lewis ei addysgu yn Ysgol Ramadeg y Bechgyn, Pontypridd, a Choleg y Brifysgol Aberystwyth. Mae'n eiriadurwr toreithiog, ac yn awdur nifer o lyfrau iaith hynod ddefnyddiol megis Geiriadur Gomer i'r Ifanc (enillydd Gwobr Tir Na N'og am lyfr plant gorau'r flwyddyn (ac eithrio ffuglen), Geiriadur Cynradd Gomer, Y Llyfr Berfau, Pa Arddodiad?, Y Treigladur, a Geiriau Lletchwith. Ffrwyth ei ddiddordebau cerddorol yw'r casgliad safonol o ganeuon gwerin Cân Di Bennill.